التسجيل

تسطيع تسجيل الدخول عن طريق الفيس بوك



كلمة المرور سوف ترسل الى بريدك الألكترونى.

السلام عليكم ورحمة الله وبركاته
اولا احب ان اشيد بهذا المنتدى اللذي عن طريقه قضيت شهر العسل بماليزيا ووفر علي بحدود 6000 ريال وعن طريقه سافرت لبانكوك وعن طريقه لاندونيسيا وعن طريقه وهي اخر سفره لي الي اوربا وتحديداً الي ايطاليا وفرنسا

سافرت في تاريخ 28/10/ على متن الخطوط السعوديه وكانت قيمة التذكره 2250 ريال وكانت مدة الرحله 6 ساعات هذا وانا بالطياره

وصلنا مطار ميلانو ملبنسا وهذه صورته

وكان باستقبلنا هذا الرجل اللي يمين الصوره واسمه حسان صاحب الابتسامه


راح اعلمكم وش سالفته

ركبنا الترين والله يجزاه خير حسان قص التذاكر لنا وسعر التذكره 7 يورو


وانطلقنا الي فندقنا كانوفا ياحبي له ريحنا واكلنا وقلنا ننام والصباح رباح صحينا الصباح والتقطت هذه الصور من غرفتنا من فوق

ونزلنا افطرنا ووجهك على حسان جلسنا معها طبعاً مرسلني له اخوي وحسان هو الجندي المجهول في السفره هاه ياحسان وش الجدول قال الجدول كالتالي اربع ايام في ميلانو وبعدا يوم في كومو ويومين في فنيسيا ( البندقيه ) هذا بالنسبه لأيطاليا تبون تروحون لروما ولا تبون باريس وبعدها سويسرا قمنا نقلب وجيهنا هاه كيف قال شكلكم ماحطيتو جدول قلنا لا قال طيب ( حقيقه ياشباب حسان وفر علينا بالسفره هذه مايقارب 7000 ريال انا اعلمكم كيف ) لنا كماله غدا باذن الله ومزيدا من الصور والمتعه

***************************

نكمل الحديث راح معنا حسان وركبنا المترو ووجهنا على ساحة الدومو وصلنا الدومو وكان المنظر مررررره روعه

زاويه اخرى من ساحة الدومو ومايميز ساحة الدومو المحلات والمركز الرئيسي لأغلب الماركات الايطاليه

حيا الله اختي الزعيمه وربي تشرف موضوعي بدخولك عليه وبدخول بقية الاخوان نكمل الحديث تمشينا بساحة الدومو ومرينا على القالاري وكان في منتهى الروعه وهو اللي فيه اغلب الماركات الايطاليه الفخمه طبعا القالاري هو اللي على يسار الصوره الفتحه اللي بين المبنيين تدخل القالاري مررررررررررره روه

طبعا تمشينا شوي بالقالاري وقلنا نكتشف حسان استئذن كان عنده شغل وحنا كملنا طبعا ضروري ضروري ضروري تلبس جزمه ولا نعال وانتم بكرامه حقت مشي ولا انس انك تستمتع بالسفره طبعا لاحظت على الطليان غنيهم وفقيرهم لبسهم مرتب وحتى لو كان مو غالي والطليان نفسيتهم فل الفل وراعين ابتسامه ويتساعدون مره ويبي يخدمك باي وسيله حتى لو مايعرف لغة الاشاره يستعملها بصراحه حبيت الطليان رحنا نكتشف وشقينا الطريق من الشارع هذا اللي كان فرجه

طبعا نهاية الشارع يلاحظ وجود قلعه وكانت تحت الترميم والدخول مجاني وش سالفة القلعه لاحد يسئلني ؟ طبعا قبل نهاية الشارع ابو تميم محدثكم قز محل يحسبه ابو ريالين لا والله طلع كل شي 2000

رحنا للقلعه نكتشف واحلى ما بالسفر واوربا تحديدا المترو شق الشعيب واقرب حرف m انزل فيه منظر القلعه عن قرب

اقتربنا من القلعه وكان هنالك هذا الرجل الصامت

القلعه من الداخل ونكمل حديثنا غدا باذن الله

نكمل حديثنا تمشينا بالقلعه وقلنا ناخذ فترة استراحه

طبعا هذا خوي فيصل مسوي يناظر بالخريطه وقال القط لي صوره مسوي فاهم بالخرايط هه

نكمل موضوعنا هاه حسان وين النيه قال امممممممممم وش رايكم بالبندقيه قلنا اوكييييييييه ياكبتن اوكيه ياكتش اوكيه ياحسام حسن قال نمشي قلت نمشي ووجهك على البندقيه هاه حسان قال نقص التذاكر بالقطار ووجهنا على فينيسيا هذا وانا بالقطار وفيصل اللي مقابلني ابو قبوع مسوي سناب دوج خخخخ

*********************************

وصلنا فينسيا وتجدد النشاط وخر عني ابي ادورها كلها زنقه زنقه زقاق زقاق شارع شارع واكلناها واحد صفر تدرون ليش هذه طبعا صورة وصول فينيسيا

    1. هذه صورتنا وحنا وصلنا البندقيه واللي بجنبي زميلي بس مايحب تطلع صوره وهو حر بس فيصل خوينا فللللللللللله

      صور لفينيسيا طبعا ياشباب وياصبايا نصيحيييييييييييييييييحه اللي يبي يروح للبندقيه نصيحه يحجز فيها يومين وينام فيها لانه اتوقع جميع فصول اليوم صباح ظهر عصر غروب مساء اتوقع انها رووووووووووووووووووعه مررررررررررررررررررره خاصه باليل اتوقع انها شي ثاننننننننننننننننننننننننننني اليكم الصور

      طبعا القارب هذا صنع يدوي وقد جابو عنها برنامج كامل عن البندقيه وعن القوارب هذه وهي صناعه يدويه من افخر انواع الخشب يعني اللي يملك القارب هذا كان معه بانوراما 2012 طبعا الرحله بالقارب هذا تكلف 100 يورو طبعا السعر مبالغ فيه ؟؟؟؟؟

      طبعا هذا التكسي المائي ولا انصح انك تركبه بصراحه قيمة اعتقد 20 يورو او 17 يورو والله ما اذكر لكن الشاهد انه يقدمك مسافة 300 متر فقط يعني ماله داعي التمشي على الرجلين افضل بكثيييييييييير وفرجه

      صورة من داخل التكسي المائي

      صورة سواق التكسي موب عاقل جمس بوند خخخ

طبعا الكل يعلم ان البندقيه غارقه لا محاله وللعلم المباني اللي تشوفونها ترى الدوري الارضي غرقان وهم الان بالدور الاول وشوفو وين مستوى المياه وين واصل قبل سنتين ماكان كذا

ابوك يالشايب وووين وصلت بالهواجيس


نكمل حديثنا عن البندقيه بعض البضائع والمنتوجات المعروضه في البندقيه صور

افتراضي

يلاحظ انه يبيعون تمر ههههه شف السهم الاحمر اللي انا حاطه

قلنا نجلس نتغدى يعني مو غداء غداء عشى تقدر تسميه وكلفنا 114 يورو بس كانت الجلسه حلووه مره وبعد الغداء شدينا الرحال الي ميلانو مقرنا الرئيسي


 

 

*******************

هكذا يكون انتهى التقرير و اعذروني على التقصير

أكتب تعليق

عنوان بريدك الالكتروني لن ينشر.