مقدمه
قبل اسبوعين من رحلتنا كانت لنا زياره الى إماره ابوظبي فقررنا انه نمر على جزيرة الياس
و نشوف الفنادق الموجوده عندهم و نختار المناسب …
جزيرة ياس
ماذا يوجد فيها …
* مرسى ياس ونادي اليخوت
* حلبة مرسى ياس
* نادي ياس لينكس للجولف
* عالم فيراري ابوظبي
* فنادق متنوعه ..
جولتنا لبعض فنادق جزيرة ياس
اول فندق مرينا عليه كان مستواه 3 نجوم و اسمه …
تفرجنا على الغرف و شفنا انه مستواه زين ونظيف ومرتب ، وله اطلاله حلوه …
بالنسبه للاسعار ، أكيد تختلف حسب المواسم
جوله في فندق بارك ان
منظر من بلكونة الغرفه
وعقب طلعنا من فندق بارك ان وكان عداله فندق فندق Radisson Blu
و بعد مستواه كان جيد و هو 4 نجوم و بالنسبه
جوله في الفندق
عقب سرنا فندق الكراون بلازا اللي كان قريب منه و كان افضل عن اللي شفناهم قبل
و كان بيكون اختيارنا له
الأسعار تجدها في بوكنج لأنها تختلف حسب الموسم: اضغط هنا
جوله في الفندق
نموذج من غرف الفندق
اطلاله من بلكونه الغرفه
فندق روتانا
وعقب انتقلنا لآخر فندق شفناه وكان فندق الياس روتانا و مستواه 5 نجوم
و كان راقي و عجبنا و قررنا نحجز فيه
لما يينا نحجز في الفندق ، وكان عن طريقهم مباشره ، عرفنا انه في نوعين من الحجز ..
نوع ممكن يكون لحجز الغرفه مع الافطار بس
ونوع ثاني يكون بكج ، الغرفه مع الافطار ، ومع تذاكر VIP للدخول لعالم فيراري لشخصين ..
بوعيسى قرر انه من الافضل يحجز الغرفه بس ، ووجهة نظره انه نحجز تذاكر الدخول منفصله ..
بناتي توتو وكوكي تذاكر VIP
وانا ودودي وبوعيسى والشغاله تذاكر عاديه …
وبعد التجربه ، اعتقد من وجهة نظري لو …
حجزنا غرفه مع البكج ( عدد 2 تذاكر VIP )
وحجزنا الغرفه الثانيه عاديه ..
لأنه …
لما سرنا نحجز التذاكر حصلنا كل تذاكر VIP مخلصه
بنرجع ان شاءالله وبنتكلم بالتفاصيل عن زيارتنا لعالم فيراري ، والحين بنكمل كلامنا عن الفندق …
بالنسبه للأسعار تختلف حسب المواسم ، وللأسف ناسيه بكم طلعوا علينا ولكن
من موقع بوكنج شوفوا الاسعار هنا …
الفندق راقي والموظفين متعاونين ، وانصح فيه، وعموما كل الفنادق الموجوده
حلوه ومستواهم عالي ، بس هذا ارقاهم …
معلومه مهمه
جميع هاي الفنادق قريبه من بعض ، وكلهم يحتاجون سياره توصلكم لعالم فيراري ، وللأسف الفنادق
مموفرين شاتل مجاني يوصلكم لعالم فيراري ، مثل مانشوفه في الدول اللاوروبيه …
نتابع فندق روتانا
بتنا ليله وحده في فندق روتانا ، اول يوم تعشينا في بوفيه الفندق ، وكنا آخر ناس وقالولنا بيعطونا
شوية وقت ولازم نشل كل اللي نباه ع طاولتنا مره وحده ، وكانوا متعاونين ويانا …
أصبحنا يوم الجمعه بتاريخ 7 / 1 / 2011 متجهين لبوظبي ووصلنا ع الساعه 2 الظهر
لفندقنا (الياس روتانا)
و سوينا شيك ان و قلنا بنصلي و بنرتب شنطنا وبنسيير عالم فيراري لكن صارلنا حادث ماتوقعناه
و نحن جاهزين بنطلع من الغرفه تسكر الباب على صبع ولدي دودي و الله سلمه انه ما انقطع صبعه
وعشنا حاله ، ووايد نفسيتنا تأثرت و اتصلنا بالفندق طلبنا مساعده ، ويانا الموظف ياب معاه شنطة
الاسعافات بس هو مايطلع من ايده دم ، انما انرص لين الآخر يعني شعره وبينقطع ، وتورم وصار أزرق
وانا ع طول طلعت من الثلاجه علبة بارده واحطها ع ايده بدال الثلج ، لأني ماحصلت
خذيت من الريال الشاش ولفيت ايده بعدين تحركنا لاقرب صيدليه و اشتريناله شراب مسكن وكريم
يخفف الالم ، وفي السياره شربته الدوا وحطيتله الكريم وبدأ يهدأ ..
و أقرب صيدليه حصلناها قريبه منا كانت في الراحه مول ويبعد دقايق عن فندقنا
وعقب ما هدا دودي ارتاحت نفسيتنا شويه و سرنا صوب عالم فيراري و كان الوقت متأخر كنا نتمنى
نسير بدري عشان نستمتع في كل الالعاب لكن للاسف وصلنا العصر و لين قطعنا التذاكر
و دخلنا كنا خلاص ميتين من اليوع و نبغي نتغدى
-
انطباع كوكي عن عالم فيراريحلوه وكبيره بس مافيها العاب وايد ، والعاب كثيره للصغار وماأنصح فيها بس انصح اذا بتسيرونتركبون بس القطارانطباع توتو عن عالم فيراريحلوه بس مافيها وايد العاب ، واللي يبا يسير ياخذ VIP
أحسله عشان يركب القطار أكثر من مره ، وما انصح فيها حق الكبارانطباع امهم ..مدينة الالعاب وايد كبيره وممفهومه وماتنعرف اللعبه وأحس كنا مثل التايهين مب عارفين شي، نشوفمباني مغلقه ودايما نسأل ، وعقب ندور وين المدخل وندخل ، تقسيمات مب واضحه ، وفي الخريطهكلام ووصف ممفهوم لبعض الالعاب ، وأعتقد في العاب مااكتشفناها ،لأنه تعبنا وماقدرنا نيلسندور ، وياريت حطوا أرقام كبيره وواضحه مثل مارقموا الالعاب في الخريطه علشان الواحد يعرفوين يتجه ..تم بحمدالله ..لاتحرمونا من تواصلكم ودعائكم
روعة ما شاء الله
تقرير رائع
ما شاء الله تبارك الله
حفظك الله وحفظلك كل غالي